આ સ્ટાર ખેલાડી ટીમ ઇન્ડિયામાં ટેસ્ટ ટીમમાં એન્ટ્રી કરવા માટે છે તૈયાર આ ખેલાડી થશે બહાર..

ભારતીય ટીમનો સ્ટાર ઓલરાઉન્ડર હાર્દિક પંડ્યા ટેસ્ટ ક્રિકેટમાં વાપસી કરવા માગે છે. હાલમાં હાર્દિક પંડ્યાનો એક વીડિયો સોશિયલ મીડિયા પર વાયુવેગે વાયરલ થઈ રહ્યો છે. આ વીડિયોમાં રેડ બોલ માટે હાર્દિક પંડ્યા સખત મહેનત કરી રહ્યો છે. તમને જણાવી દઈએ કે, હાર્દિક પંડ્યાને ફિટનેસની સમસ્યા રહે છે અને તેના કારણે જ BCCI તેને ટેસ્ટ ક્રિકેટમાં તક નથી આપતી.

હાર્દિક પંડ્યા રેડ બોલની ટ્રેનિંગ લેતો નજર આવ્યો

હાર્દિક પંડ્યા તાજેતરમાં લંડનમાં હતો, જ્યાં તેણે IPLમાં ગુજરાત ટાઇટન્સના સહાયક કોચ નઈમ અમીનની દેખરેખ હેઠળ માઈટી વિલો ક્રિકેટ એકેડમીમાં ટ્રેનિંગ લીધી હતી. વાયરલ વીડિયોમાં પંડ્યા રેડ બોલ ક્રિકેટની ટ્રેનિંગ લેતો નજર આવી રહ્યો છે. આ વીડિયો નઈમ અમીને પોતાના ઇન્સ્ટાગ્રામ પર શેર કર્યો છે.

તેમણે વીડિયોના કેપ્શનમાં લખ્યું કે, છેલ્લા થોડા અઠવાડિયામાં હાર્દિક સાથે કામ કરવાનો અનુભવ શાનદાર રહ્યો. અમે અનેક વસ્તુ પર કામ કર્યું અને હું ભવિષ્યમાં તેની પ્રગતિ જોવા માટે ઉત્સાહિત છું. મેં  ઘણા હાઈ-પ્રોફાઇલ ખેલાડીઓ સાથે કામ કર્યું છે, હું હાર્દિકની ખૂબ પ્રશંસા કરું છું કે, તેમણે પોતોના ખેલ પર ઇનપુટ આપવા માટે મારા પર વિશ્વાસ કર્યો. ખૂબ સરસ અને શુભકામના ભાઈ!

હાર્દિક પંડ્યા પુત્ર અગસ્ત્યને મળીને ભાવુક થયો

હાર્દિક પંડ્યા અને નતાશાએ પરસ્પર સહમતિથી છૂટાછેડા લેવાનો નિર્ણય લીધો છે.  4 વર્ષ બાદ બન્ને છુટાછેડા લઈ એકબીજાથી અલગ થઈ ગયા છે. બન્ને એક દીકરાના માતા-પિતા પણ છે. અલગ થયા બાદ નતાશા દીકરા અગસ્તયને લઈ પોતાના દેશ સર્બિયા ચાલી ગઈ હતી, પરંતુ થોડા દિવસ પહેલા જ નતાશા પોતાના દીકરા અગસ્તય સાથે મુંબઈ પરત ફરી છે. હવે પુત્ર અગસ્ત્યને મળીને હાર્દિકની ખુશીનું ઠેકાણું નથી. તે પોતાના પુત્રને મળીને ભાવુક પણ થઈ ગયો હતો. તાજેતરમાં જ એક વીડિયો વાયરલ થયો હતો જેમાં હાર્દિક પુત્ર અગસ્ત્ય સાથે નજર આવ્યો હતો.